Proxecto de Inmersión Lingüística 21-22 maio 2009

O alumnado do primeiro ciclo da ESO vén de facer unha viaxe de dous días á cidade da Coruña no marco do Proxecto de Inmersión Lingüística organizado polo Equipo de Normalización e Dinamización Lingüística e o Departamento de Actividades Complementarias Extraescolares. Magnífica a visita á Coruña e o resto de actividades organizadas polo IES Agra do Orzán (A Coruña), a quen agradecemos a boa acollida e mandamos un saúdo.

Deseño de vivendas unifamiliares

Actividade: Deseño de Vivendas unifamiliares.
Alumnado: 4º ESO Educación Plástica Visual.

Profesor coordinador: José P. Fouz Hernández.

O traballo proposto tivo varias fases:

1.- Deseño da distribución en duas plantas. Cálculo de escaleiras (nº peldaños, pasos e tabicas).
Escala 1:50. Debuxo 50 veces mais pequeno ca realidade.
Planta baixa: Salón-comedor, cociña, baño, habitación, despensa, tendedeiro. Planta superior: 2-3 habitacions con armario, vestidor, baño, biblioteca ou sala xogos. Escaleira 2 tramos.
Planta en rectángulo, en L... Balcón ou galeria.

2.- Vistas exteriores a escala 1:100, con vista de frente ou ALZADO, lateral ou PERFIL e dende arriba ou PLANTA.
Cálculo de tellado a 4 augas. 2 trapecios e 2 triángulos. Obter altura do trapecio do perfil, e bases do alzado ou planta.

3.- Construir unha maqueta a escala 1:50.
Ventás e porta correspondense cos planos previos..
Materiais: cartón pluma e cartón reciclado para base de paredes e tellado. Madeira, pedra...
A cuberta do tellado ten diversas solucións: lousas individuais con cartulina, ou mesmo lousas a escala, moi traballadas; cartón ondulado, de cor laranxa, imitando tellas; espaguetis...
Paredes de cartulina, fotos impresas de paredes de pedra, ou pedra cortada.
Detalles en ventás, textura paredes, esquinas, tellados.
Enerxías renovables: Paneis solares fotovoltaicos e/ou térmicos, no tellado ou parcela.
Detalles exteriores: personalizado con imaxinación. Mesas, columpios, pistas deporte, camiños, piscina, garaxe, valados, xardín, antena, buzón, canalóns, pozo, chemineas... Horta, céspede, árbores, parra, rocha...

Os participantes nesta actividade amosaron interese e esforzo, que se viu recompensado co orgullo sentido polo seu traballo.

Se queredes ver todos os deseños facede clic aquí.

LETRAS GALEGAS 2009

Aquí tedes unha reportaxe fotográfica elaborada polo profesorado do instituto o día 18 durante a celebración do Día das Letras Galegas. O noso salón de actos encheuse de alumnado para compartirmos unha serie de actividades pensadas para homenaxear a Ramón Piñeiro. Contamos cun nutrido grupo de presentadores do acto de 4º ESO que ían dando paso aos distintos bloques. Comezamos cunha obra de teatro magnificamente representada por alumnas de 1º BAC. A continuación proxectouse o vídeo sobre Ramón Piñeiro enviado por Política Lingüística. O acto rematou co recital poético dun grupo de alumnos e alumnas de 1º ESO. Ademais, entre actividade e actividade, puidemos gozar da escoita de diferentes temas interpretados pola nosa particular banda de gaitas que deleitou a toda a concorrencia.Agradecemos o esforzo dos diferentes profes e alumnos que traballaron arreo para que todo saíse como saíu e agradecemos tamén o voso comportamento como público que nos estimula para seguírmonos esforzando..

Por Montse Rey Saa.

PROXECTO TERRA

Os pasados 16 e 17 de abril os alumnos e alumnas de 3º e 4º de ESO cruzaron Galicia nunha viaxe enmarcada dentro do Proxecto Terra. Viaxe pola ría de Ferrol, visita ó Castelo de San Felipe, paseo pola zona vella da cidade, pernocta no albergue Albarella, ecoloxía, paseo polas Fragas do Eume... Xa vedes, unha viaxe completa. Mira todas as fotos facendo click aquí.

VISITA EXPOSICION ASTRONOMIA, A Rúa 27/04/09

Os dous grupos de PDC do centro desfrutaron, o pasado luns 27/04/09, dunha interesante exposición no Colexio Pablo VI de A Rúa (Ourense), organizada por ser 2009 o ano da Astronomía e conmemorarse o 40º aniversario da chegada do ser humano ó noso satélite. Unha emocionante viaxe dende o exterior máis lonxano do universo ó noso propio interior, perfectamente narrada polos nosos guías Jose e Carlos, profesores no colexio rués.

Destacados: unha recreación do módulo do Apolo 11 que se pousou na Lúa no ano 1969 feito todo él con material reciclado e a viaxe por nós mesmos a través da obra "O Principiño", representada por compañeiros de 3º e 4º (ver todas as fotos).

"Na visita á Rúa fomos ver un museo adicado ó universo. Alí explicáronnos que tipos de galaxias hai, planetas, astros... Resultoume todo moi interesante, pero o que máis me gustou foi unha "máquina" que tiñan alí, representación de parte do Apollo 11 nave coa que chegou o primeiro home á lúa. Despois estivemos vendo uns vídeos; un deles falaba do Principiño, mesmo nos pediron colaboración a uns cantos para as personaxes. Ó acabar a representación (logo de quitar a vanidade, as ansias de poder... miramos no baúl baleiro, onde estaba o realmente importante. Só quedaba un espello; con isto intentáronnos dicir que o importante somos nós e o que temos dentro".

Crónica de Tamara Jiménez Jiménez, de 4º ESO A.

VIAXE TEMATICA A MADRID (BACHARELATO) DO 01 Ó 03 DE ABRIL DE 2009

Pronto teredes máis novas de toda a viaxe. Polo de pronto, un adianto da man de Monse Ulloa.

TORRE - DOMUS - ACUARIO, A Coruña 14/11/2008

Subimos ó autobús ás 8:30 h. “O autobús é enorme (Julio)!” O certo é que eramos case corenta. Saímos cara á Coruña os dous grupos de 3º, 4º A e PCPI. Despois dunha pequena parada técnica en Guitiriz chegamos ó noso destino sen contratempos.

Xa na cidade, fixemos unha fila india, igualiño que os nenos para non perderse, e dirixímonos á Torre de Hércules. “Que fermoso está o mar (Julio)!” Logo de subir uns cantos pedaños (Daniel Borrajo dixo que serían uns 400), chegamos a unha estancia onde nos contaron a historia da torre. Xa choveu. “Coidado os que ides detrás na baixada, que nós xa demos coa cabeza no teito (Daniel e Julio, os altos)”.

Un par de horas antes de xantar e un par de horas despois estivemos na Domus. Gustounos todo, pero chamounos especialmente a atención “a máquina de ondas cerebrais (Daniel)” e “o video do parto en directo (Julio)”. E tamén a máquina de bocatas!! Que rapidez!!

Rematamos a visita á cidade no Acuarium Finisterrae. “Que medo daban as quenllas (Julio)”. “E cantos peixes había e non tropezaban uns con outros (Daniel)”. “E mira que aproveitados os paxaros comendo a comida das focas (Julio)”.

Despois de aplaudir a un cantante ocasional fóra do acuario, puxemos rumbo a Viana (mira as fotos).

Por Daniel e Julio, de 3º A.